Шоқпартоғайда мәдениет үйі ашылды

Жылыой ауданының 95 жылдығына орай Шоқпартоғай ауылында мәдениет үйі ашылды.

Ғимараттың кірпіші былтыр шілде айында қаланып басталған еді. 200 адамға арналған мәдениет үйінің құрылысына 700 млн. теңгеден астам қаржы бөлініп, жұмсалды.

Жалпы көлемі 750 шаршы метр болатын нысанда кітапхана, асхана және үйірмеге арналған бөлмелер бар.