Махамбетте жұмыссыздықпен күрес жалғасуда
Биыл Махамбет ауданында жұмыспен қамту шараларына 1 262 жұмыссыз тартылған. Бұл туралы өңірлік коммуникациялар қызметі хабарлады.
Олар – жұмыспен қамту орталығына хабарласқандардың 96,2%-ы. Оның ішінде 732 адам тұрақты жұмысқа орналасты.
Ауданда жұмыспен қамту жол картасы аясында іске асырылып жатқан 10 жобада 852 жаңа жұмыс орны ашылып, оның 482-сіне жұмыспен қамту орталығында есепте тұрған жұмыссыздар орналастырылған.
⠀
Махамбет аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің бас маманы Алмажай Қартжанованың айтуынша, аудандағы ауылішілік жолдардың жөндеу жұмыстарына 350 жұмысшы жұмылдырылған. Олардың 191-і – жұмыспен қамту орталығынан.
⠀
Бүгінде Махамбет ауданында «Жұмыспен қамту жол картасы – 2020» бағдарламасы шеңберінде басқада жобалар іске асырылуда. Оларға ауданның екі жүзден аса жұмыссыздары тартылды.
