АМӨЗ қызметкерлері COVID-19-ға қарсы екпе алуда

ҚР Президентінің халықты жаппай вакцинациялаумен қамтамасыз ету жөніндегі тапсырмасын орындау мақсатында «АМӨЗ» ЖШС-де COVID-19 коронавирустық инфекциясына қарсы екпе салу науқаны басталды.
⠀
«Медикер-Жайық» ЖШС клиникасы ерікті түрде екпе алуға келген зауыттықтар үшін арнайы алаң дайындаған. Қазіргі уақытта зауыттың 130 қызметкері екпе салдырды.
Екпе алмас бұрын дәрігер-терапевт барлық қызметкерлердің дене қызуын, қан қысымын, қандағы оттегінің деңгейін өлшей отырып, тексерістен өткізеді.
⠀
Сонымен қатар, қызметкерлердің медициналық карталарын мұқият зерттеп, созылмалы аурулар мен аллергиялық реакциялардың болу мүмкіндігін анықтайды.
Вакцинация эпидемияға қарсы барлық талаптарды сақтай отырып, ресейлік «Спутник V» препаратымен екі кезеңде жүргізіледі.
⠀
Зауыт жанындағы «Медикер» ЖШС медициналық орталығының меңгерушісі Галина Аубакированың айтуынша, екпе алған адамдар инфекциядан жақсы қорғалған және вирус таратушы болып есептелмейді. Бұл кәсіпорын қызметкерлерінің қызметін қауіпсіз жалғастыруға мүмкіндік береді.
⠀
Өзін және жақындарын вирустан қорғауға шешім қабылдаған алғашқы қызметкерлердің қатарында еңбекті ұйымдастыру және еңбекақы төлеу бөлімінің бастығы Гүлнар Достанова:
-Мен өзімнің, жақындарым мен әріптестерімнің денсаулығына қауіп төндірмеу үшін COVID-19 қарсы екпе салдырдым. Қазіргі таңда өзімді жақсы сезінемін. Сол үшін де дәрігерлерге ризашылығымды білдіремін. Мен вакцинацияны пандемиямен күрестегі маңызды қадам деп санаймын.
⠀
Айта кетейік, өткен жылдан бастап кәсіпорында қатаң бетперде режимі сақталып, аумақтағы жұмысшылардың қозғалысы шектелді.
⠀
Қызметкерлер мекемеге кірер уақытта жоғары дәлдіктегі температураны бақылау жүйесімен тексеріледі. Сонымен қатар күн сайын барлық бөлмелер антисептиктермен өңделеді.
⠀
Зауыт өз қызметкерлерінің саулығына аса мән береді және вакцинация қызметкерлердің денсаулығын қорғау жүйесінің маңызды буыны болып табылады.