Жергілікті бюджет кірісі 20 млрд. теңгеге артық орындалды

Атырау облысы бойынша коммуникациялар қызметінің мәліметінше, бұл туралы облыстық мәслихаттың 2 сессиясында Атырау облысы бойынша Мемлекеттік кірістер департаменті басшысының орынбасары мәлім етті.

Отырысқа аймақ басшысы Махамбет Досмұхамбетов, облыстық мәслихат депутаттары, қоғамдық кеңес төрағасы, басқарма басшылары, онлайн режимде аудан әкімдері қатысты.

– Жергілікті бюджет бойынша болжам 350,4 млрд. теңге болса, 371,1 млрд. тенге көлемінде нақты төлем түсіп, болжам 20,7 млрд. теңгеге немесе 105,9 пайызға артығымен орындалды, – деді Атырау облысы бойынша Мемлекеттік кірістер департаменті басшысының орынбасары Бекен Шанаев.

Сондай-ақ, пандемияға байланысты 187 мыңға жуық қызметкері бар шағын және орта бизнестің 12 мыңға жуық салық төлеушілері ұсталатын салықтар мен әлеуметтік төлемдерден босатылған.

Сонымен қатар, Б.Шанаев Департаментпен 953 079 мемлекеттік қызмет көрсетілсе, оның 928 162 немесе 97,4 пайызы электронды түрде ұсынылғанын жеткізді.