Қазақстан пәтерді жалға арзан беретін елдердің қатарында
Қазақстан тұрғын үйді жалға алу құны бойынша рейтингіде 138 елдің ішінде 107-орында. Бұл туралы energyprom.kz сайты хабарлайды.
Рейтинг елдердегі баспананы жалға алу бағасы Нью-Йорктегіден қаншалықты арзан немесе қымбат екенін анықтайды (индексі 100). Егер мемлекеттер индексі 110 болса, Нью-Йорктегі бағадан 10% қымбат, 95 болса – сәйкесінше 5% арзан деген сөз. Қазақстанның индексі 9,31-ді көрсетті.
Жалға алу құны қымбат үйлер Бермуд алардары, Гонконг және Сингапурда. Ал ең арзан тұрғын үйді Ауғанстаннан табуға болады.
Былтыр Қазақтанда абаттандырылған тұрғын үйді жалға алу құны бір жылда 9,3%-ға, абаттандырылмаған тұрғын үйді жалға алу бағасы 3,5%-ға өскен.
Абаттандырылған тұрғын үйді жалдау құны қымбат қалалар: Нұр-Сұлтан (шаршы метрі 2,9 мың теңге), Алматы (2,3 мың теңге) және Ақтау (2 мың теңге). Ең арзаны Семейде. Онда шаршы метріне 1,2 мың теңге.
