Аймақ - Спорт - 09.11.2020

Атыраулық өрен әлем чемпионы атанды

Атыраулық палуан Абылайхан Мейрамбекұлы Сербияда самбо күресінен жастар арасында өтіп жатқан әлем чемпионатында алтын медаль иеленді. Бұл туралы өңірлік коммуникация қызметі хабарлады.

Сербия республикасының Нови-Сад қаласындағы әлем чемпионатында жерлесіміз Абылайхан Мейрамбекұлы 52 келі салмақ дәрежесінде күресті. Финалда молдовалық қарсыласынан басым түсіп, жастар арасында әлем чемпионы атанды.

Осы халықаралық жарысқа қатысып жатқан тағы бір жерлесіміз — Еркебұлан Қуанғалиев финалда бақ сынайды.