Қазақстан құрамасы Азия ойындарында медальдар саны бойынша 15-орында тұр

Қытайдың Ханчжоу қаласында өтіп жатқан Азия ойындарының екінші жарыс күнінде Қазақстан құрамасының медальдар кестесінде қай орында тұрғаны белгілі болды, деп хабарлайды ҚазАқпарат.

25 қыркүйекте дзюдошылар Абылайхан Жұбаназар мен Эсмигүл Куюлова, оқ атушы Никита Чирюкин қола медаль алды.

Ал 24 қыркүйекте дзюдодан Абиба Әбужақынова (48 келі) күміс, Мағжан Шамшадин (60 келі) қола жүлдегер атанды.

10 метрден пневматикалық винтовкадан оқ атудан аралас командалық сайыста Ислам Сатпаев пен Александра Ле қола жүлдеге ие болды.

Екінші жарыс күнінің нәтижесі бойынша Қазақстан құрамасы медальдар кестесінде 10-орынннан 15-орынға төмен түсті.

Бұл жөнінен көш басында 69 медальмен (39 алтын, 21 күміс, 9 қола) Қытай құрамасы келеді.

Екінші орындағы Оңтүстік Кореяда 33 (10-10-13) медаль болса, үшінші орындағы Жапонияның қоржынында 31 медаль (5-14-12) бар.

Алғашқы ондықтағы құрамалар тізімі:

1. Қытай — 39-21-9 (69)
2. Оңтүстік Корея — 10-10-13 (33)
3. Жапония — 5-14-12 (31)
4. Өзбекстан — 4-4-6 (14)
5. Гонконг — 3-4-7 (14)
6. Үндістан — 2-3-6 (11)
7. Тайвань — 2-1-3 (6)
8. Индонезия — 1-1-4 (6)
9. Таиланд — 1-0-2 (3)
10. Макао — 1-0-1 (2)

15. Қазақстан — 0-1-4 (5)

Фото aikyn.kz сайтынан алынды