Димаш Құдайберген Татарстан президентімен кездесті
Бұл туралы әнші өзінің Instagram парақшасында: «Қазанда 45-ші WorldSkills байқауының жабылу салтанатынан соң ел президенті Рустам Миннихановпен кездестік. Татарстан халқына қонақжайлылығы мен айрықша ілтипаты үшін алғыс білдіремін!» – деп жазды.
Сондай-ақ, Димаш Қазан қаласындағы хосписке арнайы кіріп, ауыр сырқатты Лейсан есімді қызбен кездесіп, жанкүйерінің арманын орындады.
Қазақстандық әнші Татарстанға «WorldSkills Kazan 2019» шарасына қатысу үшін келген болатын.
