Құлсарыда 2 балабақша ашылды
Жылыой ауданында Қазақстан Республикасының Тәуелсіздік күні қарсаңында жаңа екі «Аққайың-2» және «Салтанат» атты балабақша ғимараты ашылды.
⠀
Олар Құлсары қаласының Мұрагер және Береке ықшамауданында орналасқан.
⠀
Балабақшалар стандарт талаптарына сай, яғни ойын бөлмелері, жатын бөлме, кіреберіс бөлме және жуынатын бөлмелермен қамтылған. Балаларды тамақтандыру, денсаулығын қадағалау санитарлық-гигиеналық талаптарды орындау мақсатында ас үй блогы, медициналық блог және кір жуу блогымен жабдықталған. Сонымен қатар, ән-әуен бөлмесі және дене шынықтыру залы, психолог кабинеті, меңгеруші, есепшілер, әдіскерлер бөлмелері бар.
Олардың барлығы талапқа сай жиһаздармен, ойыншықтармен, техникалық, оқу-әдістемелік құралдармен жабдықталған. Ғимараттың ауласында балалар ойын алаңдары орналасқан.
