Азия чемпионатынан күміс медаль олжалады
Малайзияның Малакка қаласында WKF каратэден ерлер мен әйелдер арасындағы XIX Азия чемпионаты аяқталды. Қазақстан құрамасы бірінші рет жалпы командалық есепте жеңіске жетіп, тамаша өнер көрсетті.
WKF каратэден Азия чемпионатына 31 елден 400-ге жуық спортшы қатысты. Қазақстанның намысын 19 каратеші қорғады. Жарыстың соңғы күнінде қатысушылар «кумите» бағдарламасының командалық есебінде жүлделі орындарға ие болды.
Осы бағдарлама бойынша бойынша ҚР ерлер командасы күміс медаль жеңіп алды. Ұлттық құрама сапында атыраулық спортшылар – Батырғали Әбілмансұр мен Нұрберген Дамир сынға түсті.
