БҒМ-ны екі министрлікке бөлу ұсынылды

Сенатор Мұрат Бақтиярұлы Білім және ғылым министрлігін екі түрлі ведомствоға бөлуді ұсынды. Бұл туралы Tengrinews.kz хабарлады.

Депутаттың пікірінше, Білім және ғылым министрлігіне көп жұмыс жүктелген.

– Білім және ғылым министрлігі балабақшадан бастап жоғары оқу орнынан кейінгі білімге дейінгі үздіксіз білім беру жүйесінің барлық мәселесімен айналысады. Бұл өте үлкен жүктеме. Бұл мәселе ел халқының жартысын қамтиды. Мұндай жүктеме басқа министрлікте жоқ. Сондықтан, менің ойымша, Білім және ғылым министрлігінің базасында екі министрлік құратын кез келді: Білім министрлігі мен Жоғары білім және ғылым министрлігі штат санын көбейтпей, – деді Мұрат Бақтиярұлы Сенат отырысында.