Жылыойда «Таңдау» байқауының жартылай финалы қорытындыланды
Жылыойда шағын кәсіпкерлікті қолдауға арналған «Таңдау» байқауының жартылай финалы қорытындыланды. 35 қатысушы, оның ішінде 21 әйел іріктеу кезеңінен сәтті өтті, деп БАТЫС.ИНФО Өңірлік коммуникациялар қызметіне сүйене отырып хабарлайды.
Жоба Орталық Азияның Еуразия Қоры (ОАЕҚ) «Теңізшевройл» ЖШС қолдауымен Жылыой ауданын дамыту бағдарламасы шеңберінде іске асырылуда. Жоба жеңімпаздары өздерінің бизнес-идеяларын іске асыруға 4,5 млн теңгеге дейінгі сомаға пайызсыз қарыз ала алады.
Жартылай финал бойынша іріктеу бірнеше кезеңде жүргізілді. Атап айтқанда, қатысушылар өздерінің бизнес жүргізу мүмкіндіктері мен көріністері туралы айтылған бейне жіберу міндетті болды. Нәтижесінде жарияланған критерийлерге сәйкес келетін 35 жоба таңдалды. Жартылай финалға шыққандар арасында кеңінен тараған бағыттар тағам өнімдерін өндіруге бағдарланған бизнес-идеялар 14% — дан астам, оқу және балалар орталықтарын, сондай-ақ сұлулық салондарын ашу 10% — дан астам.
Сонымен қатар, жылыойлықтардың арасында ательені, ауыл шаруашылығын және көшірме қызметтерін ашу немесе техникалық жетілдірілу сияқты басқа да идеяларды кездестіруге болады.
Жартылай финал жарияланғаннан кейін олар үшін стратегиялық жоспарлау бойынша екі күндік тренинг өткізілді. Осылайша, қатысушылар бизнес-стратегиялар мен маркетингтік жоспарларды әзірлеуді, әлеуметтік желілердегі сатылымдарды арттыруды, қаржыны ұтымды басқаруды және т. б. үйренді.
– «Тандау» жобасы – Жылыой кәсіпкерлері үшін үлкен мүмкіндік, пайызсыз қаржымен бірге оқытулары керемет. Бүгін Стратегиялық жоспарлау тренингінде бизнесімнің 5 жыл жоспарын құрып үйрендім. Бұрын-соңды кәсіпті өсіру туралы ойламап едім. Негізі арманды мақсатқа айналдырсаң ол мүмкін екеніне көзім жетті, – деді байқаудың жартылай финалисті Саягүл Қодарова.
Жартылай финалға шыққандарды одан әрі оқыту және комиссия алдында өз жобасын қорғау күтілуде. Комиссия олардың қайсысы және қандай сомаға пайызсыз қарыз алатынын шешеді.
Естеріңізге салайық, «Тандау» жобасы Жылыой ауданында осы жылдың күзінде іске қосылған болатын.
Айта кетейік, байқау бір айдың ішінде қорытындыланады.
