Зейнетке шығу жасын қайта қарау ұсынылды
Мәжіліс депутаттары қазақстандықтардың зейнетке шығу жасын қайта қарауды сұрады. Олар өз ұсыныстарын премьер-министр Асқар Маминге жолдады.
– Дүниежүзілік денсаулық сақтау ұйымының мәліметтері бойынша, COVID-19 вирусының ерекше болуы өлімнің көп бөлігі 60 жастан асқан адамдарда болады. Егде жастағы адамдардың COVID-19-ке осалдығының себептері организмдегі физиологиялық өзгерістер, иммундық жауаптың төмендеуі және қатар жүретін аурулардың болуы. Бұл оларды вирустың инфекциясына бейім етеді, ауыр сырқаттардың, асқынулардың және өлімнің ықтималдығын арттырады. ДДҰ Еуропалық кеңсесінің мәліметтері бойынша, жоғарыда аталған тәуекел тобындағы қайтыс болған 10 пациенттің сегізінде, кем дегенде, қатар жүретін созылмалы ауру — жүрек-қан тамырлары, эндокриндік жүйелер болған, – деді депутат Айқын Қоңыров.
Сонымен, 2020 жылдың қаңтарынан тамызына дейін Қазақстанда 110 981 адамның қайтыс болу фактілері тіркелді. Оның ішінде 78 637 адам – 60 жастан асқан азаматтар, бұл – жалпы санның 71%-ы.
Оның айтуынша,COVID-19 екінші толқыны, коронавирус мутациясы қаупінің өсуі, вирустардың басқа да қауіпті штамдардың пайда болуы жағдайында егде жастағы кісілерді қорғауымыз керек.
– Әсіресе созылмалы аурулары бар зейнеткерлерге оқшаулану үшін барлық жағдай жасауымыз керек. Сонымен қатар, экономикалық дағдарыс жағдайында, экономикалық өсу мен жұмыссыздықтың өсуіне қолайсыз болжамдар жағдайында ықпал етеді және еңбек нарығына оң әсер етеді, – дейді депутат.
