Көлік қағып, қайтыс болды

Атырау–Дамбы тасжолында Toyota Hilux автокөлігі жаяу жүргіншіні қағып, азамат оқиға орнында қайтыс болды, деп хабарлайды БАТЫС.ИНФО.

Атырау облысы полиция департаментінің мәліметінше, 19 қараша күні сағат 18:30 шамасында Атырау–Дамбы тасжолы бойында Toyota Hilux маркалы автокөлік рұқсат етілмеген жерден өтпек болған 1974 жылғы азаматты қағып кеткен. Соның салдарынан жаяу жүргінші оқиға орнында қаза тапқан.

Қазіргі уақытта тиісті іс-құжаттар жинақталып, тергеп-тексеру амалдары жүргізіліп жатыр.